Kailan ba tayo dapat magsabi ng nalalaman natin? Pagtinanong ka lang? Pag may nagtanong? Pag dapat ng sabihin ang totoo dahil nakukunsensya ka? O Pag dapat ng sabihin ang totoo dahil baka sumabit ka pa?

 Kamakalawa ng gabi eh napanood ko sa kapamilya network ang balitang abot langit daw ang sama ng loob ni “Boy Sidecar”  kay UNICO IHO, dahil hayagan daw  na hiningi ng huli ang pagiging standard bearer ng Kanilang Partido. Eh masama pala loob mo eh, di hindi ka sana pumayag, nanindigan ka sana…. O di kaya eh tinanggap mo ng maluwag ang disisyon mo.

 Kanina naman ay napanood ko ang privilege speech ni PAMPI, naglilitanya sya ng mga kalokohan daw ni BIGOTE at may linya pa syang “GOD save the Philippines from Boy Bigote”.

 Akoy hindi abugado at lalo naman hindi pulitiko, akoy kagaya ng maraming Pilipino na malamang sa alamang ay nagtatanong “Bakit mo yan ngayon sinasabi? Bakit makalipas ang halos sampung taon eh biglang ganyan ang eksena mo? Sumama ba ang loob mo dahil sa nabara ka ng kampo ni  BIGOTE ng ihayag mo na kung gusto nya  na maging united ang opposition eh dapat mag withdraw sya sa kanyang ambisyong makabalik sa malaking bahay?

 Pasensya napo nagtatanong lang…

 Eto pa isa, si DAYONYOR syempre nag react…. Ayon sa mamá from San Juan, pag di daw tumigil ang mamá from cavite for telling a lie against his father eh sya naman daw ang magsasalita tungkol sa pagkatao nito. May ganun… bantaan? So kung tumigil? Secret na lang yung mga nalalaman nya? Di nanatin malalaman ang mga baho nila? Kaya minsan mas maganda pa yung nag aaway away sila eh….

Ewan ko sa inyo ang gugulo nyo…. Makapagkape na nga lang…